1. ზოგადი დებულებები

• 1.1. პლატფორმის როლი: ravachuqo.ge წარმოადგენს ელექტრონულ კომერციის პლატფორმას, რომელიც აკავშირებს მყიდველებსა და გამყიდველებს. ჩვენ არ ვართ პროდუქციის მფლობელები და არ ვართ პასუხისმგებელი მათ ხარისხზე, უსაფრთხოებასა თუ აღწერასთან შესაბამისობაზე. ყველა პროდუქტი და მასთან დაკავშირებული ინფორმაცია განთავსებულია უშუალოდ გამყიდველის მიერ.

• 1.2. მომხმარებლის დაცვა: მიუხედავად იმისა, რომ ჩვენ არ ვფლობთ პროდუქტებს, მომხმარებლის ინტერესების დასაცავად მოქმედებს ravachuqo.ge-ის ფულის დაბრუნების გარანტია. დამატებითი ინფორმაციისთვის იხილეთ შესაბამისი დოკუმენტი.

2. მომხმარებლის რეგისტრაცია

• 2.1. მონაცემების სისწორე: მომხმარებელი ვალდებულია რეგისტრაციის დროს მიუთითოს სრული და უტყუარი პირადი მონაცემები, მათ შორის, საკონტაქტო ინფორმაცია (ტელეფონის ნომერი, ელ. ფოსტა, მისამართი, პირადი ნომერი და ა.შ.).

• 2.2. ანგარიშის პასუხისმგებლობა: მომხმარებელი სრულად აგებს პასუხს მის პირად ანგარიშზე შესრულებულ ნებისმიერ აქტივობაზე. აკრძალულია სხვა პირის მონაცემების გამოყენება და მომხმარებლის სახელში შეურაცხმყოფელი ფრაზების მითითება.

• 2.3. ერთი ანგარიში: ერთი ფიზიკურ/იურიდიულ პირზე ნებადართულია მხოლოდ ერთი მომხმარებლის ანგარიშის რეგისტრაცია.

3. შეკვეთა და ანგარიშსწორება

• 3.1. შეკვეთის განთავსება: მომხმარებელს შეუძლია შეკვეთის განთავსება საიტზე რეგისტრაციის შემდეგ, 24/7-ზე. შეკვეთის დადასტურებამდე შესაძლებელია კალათაში პროდუქციის ცვლილება.

• 3.2. ანგარიშსწორება: საიტზე პროდუქციის შეძენა შესაძლებელია მხოლოდ უნაღდო ანგარიშსწორების გზით:

  • Visa ან MasterCard-ის პლასტიკური ბარათით (ბანკის დაცულ გვერდზე).

  • Unipay-ის ელექტრონული საფულით.

  • წინასწარი საბანკო გადარიცხვით.

• 3.3. პროდუქტის ხელმისაწვდომობა: საიტის ადმინისტრაცია არ იძლევა გარანტიას პროდუქტის მუდმივ არსებობაზე. ნივთის არარსებობის შემთხვევაში, პლატფორმა უფლებამოსილია გააუქმოს შეკვეთა და შეატყობინოს მომხმარებელს ელ. ფოსტის ან ტელეფონის მეშვეობით შეკვეთიდან 24 საათის განმავლობაში.

4. მიწოდება და ტრანსპორტირება

• 4.1. მიწოდების არეალი: შეკვეთილი პროდუქტის მიწოდება ხორციელდება მხოლოდ საქართველოს ტერიტორიაზე, გადახდის დადასტურების შემდეგ.

• 4.2. პასუხისმგებლობა: გამყიდველს აქვს შესაძლებლობა, გამოიყენოს პირადი საკურიერო მომსახურება. ამ შემთხვევაში, ravachuqo.ge არ აგებს პასუხს კურიერის მიერ მიწოდების დროს გამოწვეულ დაზიანებებზე ან შეფერხებებზე. მიწოდების პირობები განისაზღვრება გამყიდველის მიერ.

5. პროდუქტის დაბრუნება/შეცვლა

• 5.1. მყიდველის ინიციატივა: თუ პროდუქტის დაბრუნება/შეცვლა გამოწვეულია მყიდველის პირადი სურვილით, ყველა სატრანსპორტო ხარჯი სრულად ეკისრება მყიდველს.

• 5.2. გამყიდველის ინიციატივა: თუ დაბრუნების/შეცვლის მიზეზი გამყიდველის მხრიდან გამოწვეული პრობლემაა (მაგალითად, არასწორი პროდუქტის, ფერის ან დაზიანებული ნივთის გაგზავნა), სატრანსპორტო ხარჯები ეკისრება გამყიდველს.

• 5.3. განხილვის პროცესი: დაბრუნება/შეცვლის თაობაზე ყველა მოთხოვნა განიხილება პლატფორმის ადმინისტრაციის მიერ. დეტალები შეთანხმდება მყიდველსა და გამყიდველს შორის.